03 Jun 2026
(لاہور نیوز) ٹریفک وارڈن کو کچلنے کی کوشش کے ہٹ اینڈ رن واقعے میں ملوث گاڑی کو سیف سٹی کیمروں کی مدد سے ٹریس کر کے گلبرگ کے علاقے سے برآمد کر لیا گیا۔
سیف سٹی کیمروں کی فوٹیج کی مدد سے اس گاڑی کو شناخت کیا گیا جس نے مبینہ طور پر ٹریفک وارڈن کو کچلنے کی کوشش کی، پولیس نے کارروائی کرتے ہوئے گاڑی کو گلبرگ سے تحویل میں لے لیا ہے۔
ذرائع کے مطابق واقعے کے بعد ڈرائیور احسن جمشید نے گرفتاری سے قبل عدالت سے عبوری ضمانت حاصل کر لی تھی، پولیس نے اس واقعے کا مقدمہ تھانہ مزنگ میں درج کر رکھا ہےجس میں اقدامِ قتل، سرکاری کام میں مداخلت اور لاپرواہی سے ڈرائیونگ کی دفعات شامل کی گئی ہیں۔
