09 Jun 2026
(لاہور نیوز) سوشل میڈیا پر فیملی کو ہراساں کرنے کی ویڈیو وائرل ہونے کے بعد پولیس نے 2 ملزمان کو گرفتار کر لیا۔
ایس پی ماڈل ٹاؤن اسد علی نے بتایا کہ خاتون کار میں فیملی کے ساتھ گجومتہ سے سنٹرل پارک جا رہی تھی، دیگر کار میں سوار 2 ملزمان نے فیروز پور روڈ پر فیملی کو ہراساں کیا۔
انہون نے مزید کہا کہ ملزمان چلتی گاڑی سے خاتون کو نازیبا اشارے بھی کرتے رہے، موبائل فون ویڈیو میں ملزمان کو ہراساں کرتے ہوئے دیکھا جا سکتا ہے۔
ایس پی ماڈل ٹاؤن کا کہنا تھا کہ ملزمان حسن اور حسنین کیخلاف مقدمہ درج کر کے انہیں انویسٹی گیشن ونگ کے حوالے کر دیا گیا ہے جبکہ ملزمان کے زیر استعمال گاڑی بھی پولیس تحویل میں لے لی گئی ہے۔
