21 Nov 2026
(لاہور نیوز) قرطبہ چوک مزنگ پلازہ میں لگنے والی آگ پر قابو پا لیا گیا،کولنگ کا عمل جاری ہے۔
واقعے کے بعد چیف ٹریفک آفیسر لاہور نے ایمرجنسی گاڑیوں کی بلا رکاوٹ آمدورفت یقینی بنانے کے لیے خصوصی ہدایات جاری کر دیں۔
سی ٹی او لاہور نے موقع پر موجود غیر ضروری گاڑیوں اور شہریوں کو فوری طور پر ہٹانے کا حکم دیتے ہوئے ٹریفک عملے کو ہدایت کی ہے کہ فائر بریگیڈ اور دیگر امدادی گاڑیوں کے لیے راستہ مکمل طور پر کلیئر رکھا جائے۔
حکام کے مطابق آگ بجھانے اور امدادی کارروائیوں میں مصروف ٹیموں کی روانی برقرار رکھنے کے لیے ٹریفک انتظامات کیے گئے تاکہ کسی بھی قسم کی رکاوٹ سے بچا جا سکے۔
