21 Jun 2026
(لاہور نیوز) حکومت نے موٹرویز اور قومی شاہراہوں پر سابقہ حدِ رفتار بحال کر دی ہے۔
ترجمان موٹروے پولیس کے مطابق موٹرویز پر کاروں اور دیگر ہلکی گاڑیوں کے لیے حدِ رفتار دوبارہ 120 کلومیٹر فی گھنٹہ مقرر کر دی گئی ہے، جبکہ مسافر بسوں اور بھاری گاڑیوں کے لیے 110 کلومیٹر فی گھنٹہ کی رفتار بحال کی گئی ہے۔
ترجمان کے مطابق قومی شاہراہوں پر بھی کاروں، ہلکی گاڑیوں، مسافر اور بھاری گاڑیوں کے لیے سابقہ حدِ رفتار دوبارہ نافذ کر دی گئی ہے۔
موٹروے پولیس نے شہریوں پر زور دیا ہے کہ وہ مقررہ حدِ رفتار اور ٹریفک قوانین کی پابندی یقینی بنائیں، محفوظ سفر کے لیے رفتار کو قابو میں رکھیں اور سیٹ بیلٹ کا استعمال لازمی کریں۔ ترجمان کا کہنا ہے کہ ٹریفک قوانین پرعمل درآمد سے سڑکوں پر حادثات میں کمی اور سفر کو مزید محفوظ بنایا جا سکتا ہے۔
