22 Apr 2026
(ویب ڈیسک) منکی پاکس وائرس کے پھیلاؤ میں اضافہ دیکھا جا رہا ہے، لاہور میں ایک اور مریض میں وائرس کی تصدیق ہو گئی۔
وزارت صحت کے مطابق 18 سالہ شہری میں منکی پاکس کی تصدیق ہوئی ہے جس کے بعد لاہور میں کنفرم کیسز کی مجموعی تعداد 33 تک پہنچ گئی ہے۔
انتظامیہ کے مطابق میو ہسپتال میں اس وقت 7 مریض زیر علاج ہیں، جن میں سے 4 مریضوں میں منکی پاکس کی تصدیق ہو چکی ہے جبکہ 3 مشتبہ مریضوں کو بھی طبی نگرانی میں رکھا گیا ہے۔
صحت حکام کا کہنا ہے کہ صورتحال پر نظر رکھی جا رہی ہے اور متاثرہ مریضوں کو فوری طبی سہولیات فراہم کی جا رہی ہیں۔
