(لاہور نیوز) قائد ن لیگ نواز شریف نے نیلا گنبد زیر زمین پارکنگ پلازے کا دورہ کیا جہاں منصوبے سے متعلق بریفنگ دی گئی, میاں نواز شریف نے ترقیاتی کام کا معیار سو فیصد رکھنے کی ہدایت بھی دی۔
تفصیلات کے مطابق دورہ کے موقع پر میاں محمد نواز شریف نے ترقیاتی کاموں کے اہداف کا ٹائم لائن کے مطابق جائزہ لیا جہاں قائد ن لیگ نواز شریف کو نیلا گنبد منصوبے پر تفصیلی بریفنگ میں بتایا گیا کہ نیلا گنبد منصوبے کا 40فیصد ترقیاتی کام مکمل کر لیا گیا جبکہ ریلوے سٹیشن کے سامنے پارکنگ ایریا کی ڈویلپمنٹ کا 80 فیصد کام مکمل ہو چکا ہے۔
بریفنگ میں مزید بتایا گیا کہ نیلا گنبد میں بیسمنٹ کے مختلف سیکشنز پر کام جاری ہے جو ترجیح بنیادوں پر جلد مکمل کر لیا جائے گا۔
سابق وزیراعظم نواز شریف نے ترقیاتی کام کا معیار سو فیصد یقینی بنانے کی ہدایت کرتے ہوئے کہا کہ ترقیاتی منصوبے بروقت مکمل کئے جائیں اور معیار میں کسی قسم کی کوتاہی سے اجتناب کیا جائے۔
