(ویب ڈیسک) محدود کاروباری اوقات کے دوران بھی بجلی کی غیراعلانیہ لوڈشیڈنگ کا سلسلہ شروع ہونے پر شہریوں اور تاجر رہنماؤں نے شدید پریشانی کا اظہار کیا ہے۔
رہائشی علاقوں اورمارکیٹوں میں شدید لوڈشیڈنگ کی جا رہی ہے۔ ضرارشہید روڈ سب ڈویژن میں متعددعلاقےاندھیرےمیں ڈوب گئے۔الکریم پریمیئرہاؤسنگ سکیم،الفیصل ٹاؤن، بہارشاہ روڈ،میاں امیرلدین پارک میں لوڈشیڈنگ کی صورتحال سنگین ہو گئی ہے، ہال روڈ،بیدن روڈ، منٹگمری روڈ مارکیٹ اور جیل روڈ میں بھی بجلی کی غیراعلانیہ لوڈشیڈنگ شروع ہوگئی ۔
بجلی کی غیراعلانیہ لوڈشیڈنگ سے شہری اور تاجر پریشان ہوگئے ۔ صدرہال روڈ بابر محمود ،جنرل سیکرٹری معظم علی خان ، صدرانجمن تاجران لاہورشاہد نذیر نے بجلی کی لوڈشیڈنگ ختم کرنے کا مطالبہ کیا۔
دوسری جانب شہریوں کا کہنا ہے کہ وزیراعلیٰ مریم نوازگراسری سٹوروں کورات10 بجے تک کھلا رکھنے کی اجازت دیں، ملازمتوں سےفارغ ہوکرسٹوروں پرپہنچیں تو بند ملتے ہیں۔ شہریوں کا کہنا ہے کہ نہ بجلی میسر ہے نہ گیس ، گرمی بڑھ رہی ہے ۔حکومت کو سوچنا چاہیے کہ شہریوں کوکچھ ریلیف دیں۔
