22 Nov 2026
(لاہور نیوز) تاج باغ میں گلی میں کھیلتے ہوئے دو سالہ بچہ گاڑی کی زد میں آ کر جاں بحق ہو گیا، افسوسناک حادثے کی سی سی ٹی وی فوٹیج بھی سامنے آگئی۔
تفصیلات کے مطابق دو سالہ وسیق اپنے کزن کے ساتھ گلی میں کھیل رہا تھا کہ اس دوران ایک کار سوار نے غفلت اور لاپرواہی کا مظاہرہ کرتے ہوئے گاڑی بچے پر چڑھا دی۔ حادثے میں بچہ شدید زخمی ہو گیا، جسے تشویشناک حالت میں ہسپتال منتقل کیا گیا تاہم وہ جانبر نہ ہو سکا۔
پولیس کے مطابق غازی آباد پولیس نے واقعے کا مقدمہ درج کرکے ملزم احمد کو گرفتار کر لیا ہے، جبکہ واقعے کی مزید تحقیقات جاری ہیں۔
دوسری جانب سی ٹی او لاہور عبدالرحیم شیرازی نے ڈی ایس پی مغلپورہ کو حادثے میں ملوث گاڑی بلیک لسٹ کروانے کا حکم دے دیا ہے۔
