اپ ڈیٹس
  • 254.00 انڈے فی درجن
  • 481.00 زندہ مرغی
  • 697.00 گوشت مرغی
  • پولٹری
  • امریکن ڈالر قیمت خرید: 278.30 قیمت فروخت : 278.75
  • کویتی دینار قیمت خرید: 901.61 قیمت فروخت : 903.24
  • کرنسی مارکیٹ
  • تولہ: 244900 دس گرام : 210000
  • 24 سونا قیراط
  • تولہ: 224490 دس گرام : 192499
  • 22 سونا قیراط
  • تولہ: 2981 دس گرام : 2559
  • چاندی تیزابی
  • صرافہ بازار
تجارت

ملک سے اشیائے خوراک کی برآمدات میں 6 فیصد کمی ریکارڈ

16 Sep 2023
16 Sep 2023

(ویب ڈیسک) ملک سے اشیائے خوراک کی برآمدات میں جاری مالی سال کے پہلے دو ماہ میں سالانہ بنیادوں پر 6 فیصد کمی ریکارڈ کی گئی ہے۔

سٹیٹ بینک آف پاکستان کی جانب سے جاری کردہ اعداد وشمار کے مطابق جولائی اور اگست میں اشیائے خوراک کی برآمدات سے 766 ملین ڈالر کا زرمبادلہ حاصل ہوا جو گزشتہ مالی سال کی اسی مدت کے مقابلے میں 6 فیصد کم ہے۔

گزشتہ مالی سال کی اسی مدت میں اشیائے خوراک کی برآمدات سے 818 ملین ڈالر کا زرمبادلہ حاصل ہوا تھا، اگست میں اشیائے خوراک کی برآمدات کا حجم 392 ملین ڈالر ریکارڈ کیا گیا جو گزشتہ سال اگست کے مقابلے میں 9 فیصد کم ہے۔

گزشتہ سال اگست میں اشیائے خوراک کی برآمدات کا حجم 431 ملین ڈالر ریکارڈ کیا گیا تھا، جولائی کے مقابلے میں اگست میں اشیائے خوراک کی برآمدات میں ماہانہ بنیادوں پر 5 فیصد کی نمو ریکارڈ کی گئی ہے۔

سٹیٹ بینک کے مطابق جاری مالی سال کے پہلے دو ماہ میں اشیائے خوراک کی درآمدات پر 1.236 ارب ڈالر کا زرمبادلہ صرف ہوا جو گزشتہ مالی سال کی اسی مدت کے مقابلے میں 16 فیصد کم ہے، گزشتہ مالی سال کی اسی مدت میں اشیائے خوراک کی درآمدات پر 1.469 ارب ڈالر کا زرمبادلہ صرف ہوا تھا۔

اگست میں اشیائے خوراک کی درآمدات کا حجم 605 ملین ڈالر ریکارڈ کیا گیا جو گزشتہ سال اگست کے مقابلے میں 29 فیصد کم ہے، گزشتہ سال اگست میں اشیائے خوراک کی درآمدات پر 851 ملین ڈالر کا زرمبادلہ صرف ہوا تھا۔

Install our App

آپ کی اس خبر کے متعلق رائے