18 Jun 2026
(لاہور نیوز) امیر جماعت اسلامی حافظ نعیم الرحمان نے مطالبہ کیا ہے کہ پٹرولیم مصنوعات پر عائد 150 روپے فی لٹر کا "ظالمانہ ٹیکس" فوری طور پر ختم کیا جائے اور پٹرول کی قیمت کم کرکے 225 روپے فی لٹر مقرر کی جائے۔
حافظ نعیم الرحمان کا کہنا تھا کہ پٹرول کی قیمت کو آئندہ تین سال کیلئے منجمد کیا جائے تاکہ عوام کو مہنگائی سے ریلیف مل سکے، حکمران طبقہ غریب عوام کی جیبوں سے عیاشیاں کرنا بند کرے اور عوام کو فوری ریلیف فراہم کیا جائے۔
امیر جماعت اسلامی کا کہنا تھا کہ اگر حکومت نے عوام کو فوری ریلیف نہ دیا تو 19 جون کو ملک گیر احتجاج کیا جائے گا، احتجاج کے اگلے مرحلے میں چاروں صوبائی دارالحکومتوں میں طویل دھرنے دیئے جائیں گے۔
