(لاہور نیوز) جماعت اسلامی نے مہنگی پیٹرولیم مصنوعات اور مہنگائی کیخلاف 22مئی کو مسجد شہدا مال روڈ لاہور پر احتجاج کا اعلان کر دیا۔
مہنگی پیٹرولیم مصنوعات اور مہنگائی کیخلاف جماعت اسلامی لاہور نے ہنگامی اجلاس طلب کیا، جس کی صدارت امیرجماعت اسلامی لاہور ضیاء الدین انصاری ایڈووکیٹ نے کی جبکہ حلقہ لاہور ذمہ داران، ضلعی نظم و قیم زون اور ناظمین شعبہ جات بھی شریک ہوئے۔
اجلاس میں سیاسی امور، نوجوانان، ناظمین حلقہ جات اورصدور عوامی کمیٹیاں ، شعبہ جات ، جے آئی یوتھ لاہور کے ذمہ داران بھی شریک ہوئے، اجلاس میں 22 مئی کو لاہور میں ہونے والے بڑے احتجاج پر مشاورت کی گئی ۔ مشاورت کے بعد ضیاء الدین الدین انصاری نے بڑے احتجاج کاا علان کردیا ۔
اجلاس میں ضیاء الدین انصاری ایڈووکیٹ نے کہا کہ فیصلہ کیا گیا کہ 22مئی کو مسجد شہداء مال روڈ ہر احتجاج ہو گا جس میں تمام اضلاع، کارکنان سمیت شہریوں کی کثیر تعداد شریک ہو گی۔
