23 Apr 2026
(لاہور نیوز) میٹرک ٹیک پروگرام کے ہزاروں طلبہ تاحال مفت درسی کتب سے محروم ہیں۔
ذرائع کے مطابق کتابوں کی تاخیر سے چھپائی کے باعث لاہور میں میٹرک ٹیک کے طلباء کو ابھی تک مکمل درسی کتب فراہم نہیں کی جا سکیں، جبکہ تقسیم کا عمل بھی شروع نہیں ہو سکا۔
بتایا گیا ہے کہ لاہور کے 32 سکولوں میں میٹرک ٹیک پروگرام جاری ہے، جہاں دو ہزار سے زائد طلبہ داخلہ لے چکے ہیں اور کتابوں کی عدم دستیابی کے باعث مشکلات کا شکار ہیں۔
اس حوالے سے پی ایم آئی یو اور ایجوکیشن اتھارٹی لاہور کا کہنا ہے کہ جیسے ہی تمام مضامین کی کتب موصول ہوں گی، فوری طور پر ان کی تقسیم کا عمل شروع کر دیا جائے گا۔
