31 Jan 2025
(لاہور نیوز) پنجاب انسٹی ٹیوٹ آف کارڈیالوجی (پی آئی سی) میں جونیئر ڈاکٹر پر تشدد کے معاملے میں ہسپتال کی او پی ڈی میں چوتھے روز بھی کام بند ہے۔
پی آئی سی میں ایمرجنسی کے علاوہ تمام ایکو کارڈیو گرافی ، اینجیو گرافی اور کارڈیک سرجری بھی بند ہے، وائے ڈی اے نے مطالبہ کرتے ہوئے کہا ہے کہ ڈاکٹر کے تشدد پر آواز اٹھانے پر ڈاکٹر اعجاز کو معطل کرنے کی مذمت کرتے ہیں، پی آئی سی میں جان بچانے والی ادویات ، آلات، ڈاکٹرز اور باقی طبی عملہ کی شدید کمی کو جلد از جلد پورا کیا جائے۔
وائے ڈی اے نے اپنے مطالبہ میں کہا کہ بورڈ آف مینجمنٹ کے چیئرمین ڈاکٹر فرقد عالمگیر کا پی آئی سی کے تمام اندرونی اور بیرونی معاملات سے ہر قسم کا تعلق ہمیشہ کے لئے ختم کیا جائے، پی آئی سی کا نیا بورڈ آف مینجمنٹ بھی تشکیل دیا جائے، ڈاکٹر فرقد عالمگیر کے ذاتی ایجنڈا کی تکمیل کے لئے لائے ہوئے چیف ایگزیکٹو پنجاب انسٹی ٹیوٹ آف کارڈیالوجی کو یہاں سے تبدیل کیا جائے، کسی کارڈیالوجی کی ڈگری کے حامل یافتہ سینئر ڈاکٹر کو چیف ایگزیکٹو تعینات کیا جائے۔
آپ کی اس خبر کے متعلق رائے
