(لاہور نیوز) پنجاب حکومت نے ٹیچنگ ہسپتالوں میں یکمشت پے پیکج پر بھرتیوں کا فیصلہ کر لیا,سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ کے زیر انتظام ہسپتالوں میں مختلف آسامیوں پر بھرتیاں ہوں گی۔
یکمشت پیکج کے تحت بھرتیوں سے ہسپتالوں میں افرادی قوت کی کمی پوری کرنے میں مدد ملے گی، مریضوں کو طبی سہولیات کی فراہمی اور علاج معالجے کے معیار میں بہتری لائی جاسکے گی، ضرورت کے مطابق مختلف شعبوں میں ڈاکٹرز، طبی عملے اور دیگر ملازمین کی خدمات حاصل کی جا سکیں گی۔
یکمشت پیکج پر بھرتیوں سے مستقل سرکاری آسامیوں کے روایتی طریقہ کار کے مقابلے میں افرادی قوت کی دستیابی تیز بنانے میں مدد مل سکتی ہے۔
ہسپتالوں میں مریضوں کے بڑھتے ہوئے دباؤ سے نمٹنے اور سروس ڈیلیوری بہتر بنانے میں مدد ملے گی جبکہ مخصوص مدت یا ضرورت کے مطابق بھرتیوں سے ہسپتالوں کے انتظامی اور مالی معاملات میں لچک پیدا ہو گی۔
