(ویب ڈیسک) رواں موسم میں آپ کو ہر جگہ ایک پھل کافی زیادہ نظر آتا ہے اور وہ ہے املوک، جسے عرف عام میں جاپانی پھل بھی کہا جاتا ہے۔

مگر املوک نام بہت کم افراد کو معلوم ہوتا ہے اور جاپانی پھل کے نام سے ہی زیادہ مشہور ہے جو سال کے آخری مہینوں میں دستیاب ہوتا ہے۔

ویسے اسے انگلش میں پرسیمون بھی کہا جاتا ہے۔

زیادہ دلچسپ بات یہ ہے کہ تاریخی طور پر یہ پھل چین میں سب سے پہلے سامنے آیا تھا مگر اب اسے زیادہ تر ممالک میں جاپانی پھل سمجھا جاتا ہے۔

چین میں لگ بھگ 2 ہزار سال سے اسے اگایا جا رہا ہے لیکن جاپان میں اس کی ایک قسم Diospyros kaki دنیا بھر میں سب سے زیادہ کھائی جاتی ہے۔

یہی وجہ ہے کہ اسے پاکستان سمیت متعدد ممالک میں جاپانی پھل کے نام سے جانا جاتا ہے۔

یہ اس موسم میں کچھ عرصے کے لیے دستیاب ہوتا ہے۔

اگر آپ کو یہ پسند نہیں تو اسے کھانا عادت بنائیں کیونکہ یہ صحت کے لیے بہت زیادہ مفید ثابت ہوتا ہے۔

نزلہ زکام سے خود کو محفوظ رکھنا چاہتے ہیں؟ تو اس آسان عادت کو آج ہی اپنالیں

اس کے چند فوائد درج ذیل ہیں۔

غذائی اجزا کا حصول

ایک جاپانی پھل سے جسم کو 120 کیلوریز، 32 گرام کاربوہائیڈریٹ، ایک گرام پروٹین، 0.3 گرام چکنائی اور 6 گرام فائبر جیسے اجزا ملتے ہیں۔

اس کے علاوہ مختلف وٹامنز، منرلز اور اینٹی آکسائیڈنٹس کا حصول بھی ممکن ہوتا ہے۔

اس پھل میں بیٹا کیروٹین، وٹامن اے، سی اور ای، وٹامن بی 2 اور Quercetin جیسے اینٹی آکسائیڈنٹس اجزا موجود ہوتے ہیں۔

بیٹا کیروٹین جسم میں جاکر وٹامن اے میں تبدیل ہوتا ہے اور بینائی کی صحت کو فائدہ پہنچاتا ہے۔

وٹامن اے، سی اور ای سے آنکھوں، مدافعتی نظام اور جِلد کی صحت کو فائدہ ہوتا ہے۔

Quercetin ایسا فلیونوئڈ ہے جو بلڈ پریشر کی سطح میں کمی لاکر دل کی صحت کو فائدہ پہنچاتا ہے جبکہ نقصان دہ کولیسٹرول کی سطح میں کمی آتی ہے۔

وٹامن بی 2 سے جسم میں گردش کرنے والے مضر مواد سے لڑنے میں مدد ملتی ہے جبکہ بالوں، جِلد اور آنکھوں کی صحت کو فائدہ ہوتا ہے۔

دل کی صحت کو فائدہ ہوتا ہے

فلیونوئڈز کے ساتھ ساتھ اس پھل میں فولیٹ بھی موجود ہوتا ہے جو امراض قلب سے متاثر ہونے کا خطرہ کم کرتا ہے۔

ماہرین کے مطابق یہ پھل بلڈ پریشر کو مستحکم رکھتا ہے جبکہ کولیسٹرول کی سطح میں کمی لاتا ہے جس سے دل کی صحت پر مثبت اثرات مرتب ہوتے ہیں۔

اس سے ہٹ کر جاپانی پھل میں موجود فائبر بھی دل کی صحت کو فائدہ پہنچانے والا جز ہے جو بلڈ شوگر کی سطح کو کنٹرول میں رکھتا ہے۔

نظام ہاضمہ کے لیے مفید

فائبر ایسا غذائی جز ہے جو نظام ہاضمہ کے لیے بھی مفید ہوتا ہے۔

کھانے کے دوران یا بعد میں پانی پینے سے جسم پر کیا اثرات مرتب ہوتے ہیں؟

فائبر سے نظام ہاضمہ کے افعال درست طریقے سے کام کرتے ہیں جبکہ قبض سے بچنے میں مدد ملتی ہے۔

فائبر سے پیٹ بھرنے کا احساس بڑھتا ہے اور جسم میں کاربوہائیڈریٹس تیزی سے جذب ہوتے ہیں جس سے بلڈ شوگر کی سطح تیزی سے نہیں بڑھتی۔

جسم میں پانی کی کمی کو پورا کرتا ہے

تربوز کی طرح جاپانی پھل میں بھی پانی کی مقدار کافی زیادہ ہوتی ہے۔

روزانہ کتنی دیر چہل قدمی کرنے سے بلڈ پریشر جیسے مرض سے بچنے میں مدد ملتی ہے؟

اس کا 80 فیصد سے زائد حصہ پانی پر مشتمل ہوتا ہے اور اس میں موجود دیگر منرلز اور فائبر وغیرہ سے ڈی ہائیڈریشن سے بچنے میں مدد ملتی ہے۔

دماغی صحت کو بھی فائدہ ہوتا ہے

اس پھل میں موجود متعدد اجزا دماغٰ صحت کے لیے مفید ہوتے ہیں۔

فولیٹ اور میگنیشم سمیت وٹامن بی 1 سے دماغی صحت کو فائدہ ہوتا ہے۔

اس طرح پھل میں موجود اینٹی آکسائیڈنٹس سے دماغی افعال کو تحفظ ملتا ہے۔

دیگر فوائد

فولیٹ سے خون کے سرخ خلیات کا بننے کا عمل بھی تیز ہوتا ہے جبکہ میگنیشم ہڈیوں کی صحت کے لیے مفید غذائی جز ہے۔

جاپانی پھل میں فاسفورس بھی موجود ہوتا ہے جو اعصاب اور خلیاتی افعال سمیت ہڈیوں اور دانتوں کی صحت کو بہتر بناتا ہے۔

Follow Lahore News on Facebook

Install our App