(ویب ڈیسک) تھانہ مغلپورہ پولیس نے منشیات فروشوں کے خلاف اہم کارروائی کرتے ہوئے 2 ریکارڈ یافتہ ملزمان کو گرفتار کر لیا۔
ترجمان پولیس کے مطابق مغلپورہ پولیس نے خفیہ اطلاع پر کارروائی کرتے ہوئے ملزمان کو لال پل کے علاقے سے حراست میں لیا، گرفتار ملزمان کی شناخت شمعون مسیح اور اورنگزیب کے نام سے ہوئی ہے۔
پولیس کا کہنا ہے کہ دونوں ملزمان علاقے میں گھوم پھر کر منشیات سپلائی کرنے میں ملوث تھے اور کافی عرصے سے قانون نافذ کرنے والے اداروں کو مطلوب تھے،کارروائی کے دوران ملزمان کے قبضے سے 2 کلو 440 گرام چرس برآمد کر لی گئی، جس کے بعد ان کے خلاف منشیات ایکٹ کے تحت مقدمہ درج کر لیا گیا۔
ایس پی سِول لائنز کے مطابق گرفتار ملزمان کو مزید تفتیش کیلئے انویسٹی گیشن ونگ کے حوالے کر دیا گیا ہے، جہاں ان سے منشیات کے نیٹ ورک اور دیگر ساتھیوں کے بارے میں تحقیقات جاری ہیں۔
پولیس حکام کا کہنا ہے کہ شہر میں منشیات کے خاتمے کیلئے ایسی کارروائیاں جاری رہیں گی۔
