(لاہور نیوز) کورٹ جرنلسٹ ایسوسی ایشن کا جنرل ہاؤس اجلاس منعقد ہوا جس میں تنظیمی امور، صحافتی مسائل اور آئندہ کے لائحہ عمل پر تفصیلی غور و خوض کیا گیا۔

اجلاس کی صدارت صدر ایسوسی ایشن محمد اشفاق  نے کی، اجلاس کے آغاز پر محمد اشفاق کی عمرہ سے واپسی پر اراکین  نے نیک خواہشات کا اظہار کیا،  سینئر کورٹ رپورٹر ملک اشرف کی جانب سے صدر محمد اشفاق کو  پھول اور یادگاری شیلڈ پیش کی گئی۔

لاہور ہائیکورٹ میں ہونے والے اجلاس میں کورٹ رپورٹرز کے پیشہ ورانہ مسائل کو تفصیل سے زیر بحث لایا گیا، شرکاء نے عدالتی صحافت سے وابستہ صحافیوں کو درپیش چیلنجز اور ان کے ممکنہ حل پر بھی تفصیلی تبادلہ خیال کیا، اجلاس میں آئندہ کے لائحہ عمل اور تنظیمی سرگرمیوں کے حوالے سے بھی مشاورت کی گئی تاکہ صحافتی پلیٹ فارم کو مزید فعال اور مؤثر بنایا جا سکے۔

اجلاس میں ایسوسی ایشن کے عہدیداران اور سینئر صحافیوں  نے شرکت کی جن میں سیکرٹری محمد ہارون، سینئر نائب صدر  عمران احسان، سیکرٹری فنانس رانا بلال احمد، نائب صدر شیخ زین العابدین اور نعمان نور شامل تھے، اسی طرح جوائنٹ سیکرٹری افضل سیال، انفارمیشن سیکرٹری سلیمان اعوان اور سیکرٹری ڈیجیٹل میڈیا اسد شاہ بھی اجلاس میں شریک ہوئے۔

اجلاس میں سینئر کورٹ رپورٹرز ساجد ضیاء، حبیب چوہان، گل چمن شاہ، رائے شاہ نواز، فیصل خان، طارق خان، سبطین علی، فیصل خان، ارشد علی اور شاہد چوہدری  نے بھی شرکت کی، کورٹ رپورٹرز محمد وقاص، ناطق ریحان، ابوبکر، ملک اشرف، نوید، احسان علی اور یاسر عباسی سمیت دیگر صحافی بھی اجلاس کا حصہ تھے۔

شرکاء نے اس عزم کا اظہار کیا کہ عدالتی صحافت کے معیار کو بہتر بنانے اور صحافیوں کے حقوق کے تحفظ کیلئے مشترکہ کوششیں جاری رکھی جائیں گی۔

Follow Lahore News on Facebook

Install our App