پنجاب گورنمنٹ
سکوٹی سوار لڑکی سے ڈکیتی، مریم نواز کا سخت نوٹس، 8 گھنٹے میں ملزم کی گرفتاری کا حکم
17 Apr 2026
17 Apr 2026
(لاہور نیوز) نواب ٹاؤن کے علاقے میں دن دیہاڑے سکوٹی سوار ایک لڑکی سے ڈکیتی کا واقعہ پیش آیا، جس پر شہر میں تشویش کی لہر دوڑ گئی۔
واقعہ کا نوٹس لیتے ہوئے وزیراعلیٰ پنجاب مریم نواز شریف نے شدید برہمی کا اظہار کیا اور لاہور پولیس کو ہدایت دی کہ ملزم کو 8 گھنٹے کے اندر گرفتار کیا جائے۔
وزیراعلیٰ پنجاب نے کہا کہ کسی بیٹی کے ساتھ اس طرح کی واردات انتہائی افسوسناک اور قابلِ مذمت ہے۔ ان کا کہنا تھا کہ خواتین اور بچیوں کا تحفظ حکومت کی “ریڈ لائن” ہے اور اس میں کسی قسم کی کوتاہی برداشت نہیں کی جائے گی۔
پولیس حکام نے واقعہ کی تحقیقات شروع کر دی ہیں اور ملزم کی تلاش کے لیے مختلف ٹیمیں تشکیل دی گئی ہیں۔
