اپ ڈیٹس
  • 262.00 انڈے فی درجن
  • 324.00 زندہ مرغی
  • 470.00 گوشت مرغی
  • پولٹری
  • امریکن ڈالر قیمت خرید: 277.95 قیمت فروخت : 278.45
  • یورو قیمت خرید: 302.21 قیمت فروخت : 302.75
  • آسٹریلیا ڈالر قیمت خرید: 185.21 قیمت فروخت : 185.55
  • کینیڈا ڈالر قیمت خرید: 203.71 قیمت فروخت : 204.08
  • جاپانی ین قیمت خرید: 1.78 قیمت فروخت : 1.78
  • سعودی ریال قیمت خرید: 74.10 قیمت فروخت : 74.23
  • اماراتی درہم قیمت خرید: 76.19 قیمت فروخت : 76.32
  • کویتی دینار قیمت خرید: 905.65 قیمت فروخت : 907.28
  • کرنسی مارکیٹ
  • تولہ: 252800 دس گرام : 216700
  • 24 سونا قیراط
  • تولہ: 231732 دس گرام : 198640
  • 22 سونا قیراط
  • تولہ: 3311 دس گرام : 2841
  • چاندی تیزابی
  • صرافہ بازار
تفریح

شہباز شگری سے منگنی توڑنا میرا فیصلہ تھا، ٹرولنگ سے ذہنی سکون ختم ہوگیا: آئمہ بیگ

25 Feb 2024
25 Feb 2024

(ویب ڈیسک) معروف گلوکارہ آئمہ بیگ نے اداکار شہباز شگری سے منگنی ٹوٹنے کی وجہ بتاتے ہوئے کہا ہے کہ یہ فیصلہ میرا اپنا تھا۔

حال ہی میں آئمہ بیگ نے معروف کامیڈین اداکار و میزبان احمد علی بٹ کے پوڈ کاسٹ ‘Excuse me’ میں بطورِ مہمان شرکت کی جہاں انہوں نے اپنی منگنی ٹوٹنے کی وجہ بتائی۔

اس کے بارے میں بات کرتے ہوئے آئمہ بیگ نے کہا کہ ہمارے درمیان پہلے سے ہی بہت سے مسائل چل رہے تھے جو لوگ نہیں جانتے ہیں اور میں بھی اس کی تفصیلات میں نہیں جانا چاہتی کیونکہ ان میں کچھ لوگ شامل تھے اور میں اب ان لوگوں کو بےنقاب نہیں کرنا چاہتی۔

آئمہ بیگ نے کہا کہ شادی دو لوگوں کے درمیان نہیں بلکہ دو خاندانوں کے درمیان ہوتی ہے اور ہم دونوں کے خاندان بہت اچھے تھے، ان کے درمیان مسائل نہیں تھے لیکن ہم دونوں (آئمہ بیگ اور شہباز شگری) کے درمیان بہت سی چیزیں چل رہی تھیں، اس لیے منگنی توڑنے کا ہمارا باہمی فیصلہ تھا لیکن یہ بنیادی طور پر میرا فیصلہ تھا۔

گلوکارہ نے کہا کہ ہمارے درمیان چیزیں ٹھیک ہی نہیں ہورہی تھیں، اسی لیے میں نے رشتہ ختم کرنا بہتر سمجھا اور جب میں نے سوشل میڈیا پر اس کا اعلان کیا تو لوگوں نے مجھے غلط سمجھا، اس رشتے کے دوسرے شخص (شہباز شگری) کو کسی نے کچھ نہیں کہا اور صرف مجھے بُرا بھلا کہا۔

منگنی ٹوٹنے اور تنازعات سے متعلق ٹرولنگ کا سامنا کرنے کے بارے میں بات کرتے ہوئے آئمہ بیگ نے کہا کہ میری فیملی نے میرے لیے ایک سپورٹ سسٹم کے طور پر کام کیا، میرے بھائی اور بہن مجھ سے سوشل میڈیا ٹرولنگ کو چھپاتے تھے لیکن مجھے معلوم تھا کہ کیا چل رہا ہے۔

آئمہ بیگ نے کہا کہ لوگوں کی ٹرولنگ سے نہ صرف میری ساکھ اور ذہنی سکون کو نقصان پہنچا بلکہ میرے والدین، بہن، بھائی سب کو تنقید کا نشانہ بنایا گیا۔

گلوکارہ نے جذباتی ہوتے ہوئے مزید کہا کہ جب میری زندگی میں یہ سب کچھ ہو رہا تھا تو مجھے خودکشی کے خیالات آتے تھے۔

واضح رہے کہ ستمبر 2022 میں آئمہ بیگ نے اداکار شہباز شگری سے اپنی منگنی ٹوٹنے کا اعلان کیا تھا۔

Install our App

آپ کی اس خبر کے متعلق رائے