اپ ڈیٹس
  • 287.00 انڈے فی درجن
  • 403.00 زندہ مرغی
  • 584.00 گوشت مرغی
  • پولٹری
  • چینی یوآن قیمت خرید: 41.43 قیمت فروخت : 41.50
  • امریکن ڈالر قیمت خرید: 276.80 قیمت فروخت : 277.30
  • یورو قیمت خرید: 310.85 قیمت فروخت : 311.41
  • برطانوی پاؤنڈ قیمت خرید: 369.02 قیمت فروخت : 369.69
  • آسٹریلیا ڈالر قیمت خرید: 193.37 قیمت فروخت : 193.72
  • کینیڈا ڈالر قیمت خرید: 196.58 قیمت فروخت : 196.93
  • جاپانی ین قیمت خرید: 1.75 قیمت فروخت : 1.75
  • سعودی ریال قیمت خرید: 73.81 قیمت فروخت : 73.94
  • اماراتی درہم قیمت خرید: 75.37 قیمت فروخت : 75.51
  • کویتی دینار قیمت خرید: 898.85 قیمت فروخت : 900.47
  • کرنسی مارکیٹ
  • تولہ: 427436 دس گرام : 366457
  • 24 سونا قیراط
  • تولہ: 397477 دس گرام : 340685
  • 22 سونا قیراط
  • تولہ: 6902 دس گرام : 5916
  • چاندی تیزابی
  • صرافہ بازار
جرم وانصاف

لاہور ہائیکوٹ، 2 کروڑ 74 لاکھ روپے کے قرض کی ڈگری منسوخ، حقِ دفاع بحال

16 Nov 2026
16 Nov 2026

(لاہور نیوز) لاہور ہائیکورٹ نے یکطرفہ ڈگری سے متعلق اہم فیصلہ جاری کرتے ہوئے 2 کروڑ 74 لاکھ روپے کی یکطرفہ ڈگری کالعدم قرار دے دی۔

عدالت نے قرار دیا ہے کہ بھاری مالیت کے ضمانتی مچلکے جمع کروانے کیلئے مناسب اور مؤثر مہلت دینا ضروری ہے، دفاع کا حق مکمل طور پر ختم کرنے سے پہلے حالات اور مہلت کا جائزہ لیا جانا چاہئے۔

جسٹس ساجد محمود سیٹھی نے محمد عرفان کی درخواست پر تحریری فیصلہ جاری کیا، عدالت نے درخواست گزار کا حقِ دفاع بحال کرتے ہوئے ضمانتی مچلکے جمع کروانے کا حکم دے دیا۔

تحریری فیصلے کے مطابق ماتحت عدالت نے 2 کروڑ 74 لاکھ روپے مالیت کے برابر ضمانتی مچلکے جمع نہ کروانے پر درخواست گزار کا حقِ دفاع ختم کر دیا تھا، عدالت نے قرار دیا کہ دفاع کا حق ختم کرنے سے پہلے فریق کو مناسب وقت فراہم کرنا ضروری ہے، فیصلے کے مطابق ماتحت عدالت نے 2 کروڑ 74 لاکھ روپے کے قرض کی ادائیگی سے متعلق شواہد کا بھی تفصیلی جائزہ نہیں لیا۔

درخواست گزار کے مطابق محمد اکرم نے 2024 میں 2 کروڑ 74 لاکھ روپے قرض لیا تھا، ریکارڈ کے مطابق محمد اکرم نے 2025 میں قرض کی ریکوری کیلئے سول کورٹ میں دعویٰ دائر کیا۔

فیصلے کے مطابق محمد عرفان نے حقِ دفاع بحال کروانے کیلئے سیشن کورٹ سے رجوع کیا، جس پر سیشن کورٹ نے دو مختلف تاریخوں پر 2 کروڑ 74 لاکھ روپے مالیت کے برابر ضمانتی مچلکے جمع کروانے کا حکم دیا، تاہم درخواست گزار مقررہ تاریخوں کے اندر مچلکے جمع نہ کروا سکا۔

بعد ازاں ایڈیشنل سیشن جج کی عدالت نے حقِ دفاع بحال کرنے کا سابقہ حکم واپس لیتے ہوئے درخواست گزار کا حقِ دفاع ختم کر دیا تھا، درخواست گزار نے مناسب مہلت فراہم نہ کرنے اور حقِ دفاع ختم کرنے کے اقدام کو لاہور ہائیکورٹ میں چیلنج کیا تھا، جس پر عدالت نے درخواست منظور کرتے ہوئے یکطرفہ ڈگری کالعدم قرار دے دی اور حقِ دفاع بحال کرنے کا حکم جاری کر دیا۔

Install our App

آپ کی اس خبر کے متعلق رائے