17 Nov 2026
(لاہور نیوز) پولٹری مصنوعات کی قیمتوں میں ایک بار پھر اضافہ کر دیا گیا۔
برائلر کے نرخوں میں 7 روپے فی کلو جبکہ انڈوں کی قیمت میں 6 روپے فی درجن اضافہ کر دیا گیا، نئے سرکاری نرخ نامے کے مطابق برائلر گوشت کی قیمت 584 روپے فی کلو مقرر کی گئی ہے، تاہم شہریوں کو صافی گوشت 650 روپے فی کلو تک فروخت کیا جا رہا ہے۔
زندہ برائلر کے نرخوں میں بھی 5 روپے فی کلو اضافہ کیا گیا، فارم گیٹ ریٹ 375 روپے، ہول سیل مارکیٹ میں زندہ برائلر کی قیمت 389 روپے جبکہ پرچون بازار میں 403 روپے فی کلو مقرر کی گئی ہے۔
دوسری جانب انڈوں کی قیمت میں بھی 6 روپے فی درجن اضافہ کیا گیا ہے، جس کے بعد انڈوں کی سرکاری قیمت 287 روپے فی درجن مقرر کر دی گئی ہے، جبکہ ہول سیل مارکیٹ میں انڈوں کی پیٹی 8 ہزار 490 روپے میں مقرر کی گئی ہے۔
