09 Nov 2026
(لاہور نیوز) پنجاب بھر کے تمام ڈرائیونگ لائسنسنگ سینٹرز آج کھلے ہیں، شہری ڈرائیونگ لائسنس کے حصول کیلئے فوری طور پر لائسنسنگ سینٹرز اور خدمت مراکز سے رجوع کریں۔
ڈی آئی جی ٹریفک پنجاب نے کہا ہے کہ 16 سے 18 سال تک کے نوجوان بھی جووینائل ڈرائیونگ پرمٹ بنوا سکتے ہیں، انہوں نے واضح کیا کہ صوبے بھر میں ٹریفک قوانین کی خلاف ورزی اور بغیر ڈرائیونگ لائسنس گاڑی چلانے والوں کیلئے کوئی رعایت نہیں ہو گی، ان کا کہنا تھا کہ شہری ڈرائیونگ سیکھیں، باقاعدہ لائسنس حاصل کریں اور ذمہ دار ڈرائیور بنیں۔
ڈی آئی جی ٹریفک پنجاب کے مطابق سڑکوں پر حادثات کی روک تھام اور ٹریفک کی روانی برقرار رکھنا پنجاب ٹریفک پولیس کی اولین ترجیحات میں شامل ہے، انہوں نے شہریوں پر زور دیا کہ وہ ٹریفک قوانین پر عملدرآمد یقینی بنائیں تاکہ سڑکوں کو محفوظ بنایا جا سکے۔
