13 Jun 2026
(لاہور نیوز) سنگھ پورہ منڈی کے قریب پیش آنے والے ٹریفک حادثے میں ایک موٹرسائیکل سوار جاں بحق ہو گیا۔
پولیس کے مطابق حادثہ ایک تیز رفتار کار کی موٹرسائیکل سے ٹکر کے نتیجے میں پیش آیا، جس کے باعث موٹرسائیکل سوار موقع پر ہی جان کی بازی ہار گیا، جاں بحق ہونے والے شخص کی شناخت علی شیرازی کے نام سے ہوئی ہے۔
پولیس کا کہنا ہے کہ حادثے کے بعد کار سوار اپنی گاڑی موقع پر چھوڑ کر فرار ہو گیا، جبکہ قانون نافذ کرنے والے اداروں نے گاڑی کو تحویل میں لے کر تحقیقات کا آغاز کر دیا ہے۔
پولیس کے مطابق فرار ہونے والے ڈرائیور کی تلاش جاری ہے اور واقعے کے مختلف پہلوؤں کا جائزہ لیا جا رہا ہے، مزید قانونی کارروائی تفتیش مکمل ہونے کے بعد عمل میں لائی جائے گی۔
