(لاہور نیوز) محکمہ جنگلات پنجاب میں میرٹ کی بنیاد پر بھرتیوں کا عمل جاری ہے، جس کے تحت فاریسٹ رینجرز اور فاریسٹ انسپکٹرز کی آسامیوں کے لیے انٹرویوز منعقد کیے جا رہے ہیں۔
ترجمان محکمہ جنگلات کے مطابق لاہور ہاکی سٹیڈیم میں ہونے والے انٹرویوز میں صوبہ بھر سے 6 ہزار سے زائد امیدواروں نے شرکت کی۔ انٹرویوز کا سلسلہ 10 جون تک جاری رہے گا۔
ترجمان کا کہنا ہے کہ امیدواروں کی دستاویزات کی جانچ پڑتال اور انٹرویوز مقررہ طریقہ کار کے مطابق مکمل کیے جا رہے ہیں، جبکہ تجربہ کار افسران پر مشتمل پینل امیدواروں کی پیشہ ورانہ صلاحیتوں کا جائزہ لے رہا ہے۔
محکمہ جنگلات کے مطابق بھرتی کا عمل مکمل شفافیت، میرٹ اور مساوی مواقع کے اصولوں کے تحت جاری ہے۔
ترجمان نے مزید کہا کہ میرٹ پر مبنی بھرتیاں محکمہ کی کارکردگی بہتر بنانے اور عوامی خدمت کی فراہمی کو مزید مؤثر بنانے میں اہم کردار ادا کریں گی۔
