09 May 2026
(لاہور نیوز) کاہنہ کے علاقے میں ایک دل دہلا دینے والا واقعہ پیش آیا جہاں 32 سالہ نوجوان کو بے دردی سے قتل کر دیا گیا۔
پولیس کے مطابق مقتول کی شناخت شہزاد کے نام سے ہوئی ہے، جو غفار کالونی کا رہائشی تھا۔
ابتدائی اطلاعات کے مطابق نامعلوم افراد نے شہزاد کو گلا کاٹ کر قتل کیا اور بعد ازاں لاش کو قریبی قبرستان میں پھینک کر فرار ہو گئے۔ واقعہ کی اطلاع ملتے ہی پولیس موقع پر پہنچ گئی اور شواہد اکٹھے کیے۔
پولیس نے لاش کو ضروری کارروائی کے لیے مردہ خانے منتقل کر دیا ہے جبکہ نامعلوم ملزمان کی تلاش کے لیے تحقیقات کا آغاز کر دیا گیا ہے۔
