پنجاب حکومت کا عالمی اربن فورم میں “پنجاب پاکستان پویلین” قائم کرنے کا فیصلہ
(لاہور نیوز) حکومت پنجاب کی جانب سے عالمی اربن فورم میں “پنجاب پاکستان پویلین” قائم کرنے کا فیصلہ کر لیا گیا ہے۔
“اپنی چھت اپنا گھر” پروگرام دنیا کا سب سے بڑا بلاسود کم لاگت ہاؤسنگ پروگرام ہے۔ کم آمدن والے شہریوں کو اپنی رہائش فراہم کرنے کے لیے خصوصی ہاؤسنگ ماڈل کی نمائش ہوگی۔ پنجاب حکومت عالمی سطح پر اپنے ہاؤسنگ اور شہری ترقیاتی منصوبے پیش کرے گی، تقریب 18 مئی 2026 کو اربن ایکسپو، اولمپک سٹیڈیم باکو میں منعقد ہوگی۔
پنجاب پاکستان پویلین ورلڈ اربن فورم میں بین الاقوامی توجہ کا مرکز بننے کی توقع ہے۔ “اپنی چھت اپنا گھر” پروگرام کو عالمی سطح پر سستی رہائش کے کامیاب ماڈل کے طور پر پیش کیا جائے گا۔پنجاب حکومت شہری ترقی، کم لاگت ہاؤسنگ اور سماجی فلاح کے اقدامات اجاگر کرے گی۔
بین الاقوامی ماہرین، سرمایہ کاروں اور ترقیاتی اداروں کی تقریب میں شرکت کریں گے ۔ورلڈ اربن فورم میں پنجاب کے ترقیاتی وژن اور عوامی فلاحی منصوبوں کی نمائش کی جائے گی۔
