(ویب ڈیسک) ملزم کی گرفتاری کیلئے چھاپے کے دوران لڑکی سے نازیبا حرکات کرنے والا سب انسپکٹر معطل کر دیا گیا۔
سی سی ٹی وی کے مطابق لاہور میں چھاپہ مار کارروائی کے دوران لڑکی سے نازیبا حرکات اور ہراساں کرنے کا واقعہ پیش آیا جس پر ستوکتلہ انویسٹی گیشن پولیس کے سب انسپکٹر غلام مرتضیٰ کو معطل کر دیا گیا۔
چھاپے کی سی سی ٹی وی فوٹیج بھی سامنے آ گئی ہے جس میں صاف دیکھا گیا کہ پولیس اہلکار ملزم یوسف کو لیکر کوارٹر سے نکلا، سب انسپکٹر مرتضیٰ نے لڑکی کو سیڑھیوں میں روک لیا، سب انسپکٹر سیڑھیوں میں لڑکی سے نازیبا حرکات اور ہراساں کرتا رہا۔
پولیس کے مطابق یوسف نامی ملزم نے 13 سال کی لڑکی کو مبینہ اغوا کے بعد زیادتی کا نشانہ بنایا، سب انسپکٹر مرتضیٰ نے پولیس ٹیم کے ہمراہ یوسف کے کوارٹر پر چھاپہ مارا، ایس پی انویسٹی گیشن صدر نے سب انسپکٹر غلام مرتضٰی کو معطل کر دیا ہے۔
