14 Apr 2026
(لاہور نیوز) محکمہ خزانہ نے شہر کے بڑے سرکاری ہسپتالوں کو مفت ادویات کی فراہمی کے لیے فنڈز جاری کر دیے ہیں تاکہ مریضوں کو بہتر طبی سہولیات فراہم کی جا سکیں۔
جاری کردہ تفصیلات کے مطابق میو ہسپتال کو مفت ادویات کے لیے 15 کروڑ روپے فراہم کیے گئے ہیں۔
اسی طرح سر گنگا رام ہسپتال کو 14 ملین روپے جبکہ جناح ہسپتال کے لیے 54 ملین روپے جاری کیے گئے ہیں۔ پنجاب انسٹیٹیوٹ آف کارڈیالوجی (پی آئی سی) کو مفت ادویات کی مد میں 450 ملین روپے فراہم کیے گئے ہیں۔
حکام کے مطابق اس اقدام کا مقصد سرکاری ہسپتالوں میں آنے والے مریضوں کو بلا معاوضہ ادویات کی دستیابی کو یقینی بنانا اور علاج معالجے کی سہولیات کو مزید بہتر بنانا ہے۔
