اپ ڈیٹس
  • 262.00 انڈے فی درجن
  • 302.00 زندہ مرغی
  • 438.00 گوشت مرغی
  • پولٹری
  • امریکن ڈالر قیمت خرید: 278.10 قیمت فروخت : 278.30
  • کویتی دینار قیمت خرید: 905.60 قیمت فروخت : 907.22
  • کرنسی مارکیٹ
  • تولہ: 248400 دس گرام : 212900
  • 24 سونا قیراط
  • تولہ: 227698 دس گرام : 195157
  • 22 سونا قیراط
  • تولہ: 3097 دس گرام : 2658
  • چاندی تیزابی
  • صرافہ بازار
تعلیم

گورنمنٹ گریجویٹ کالج سبزہ زار میں نقل کرواتے عملہ رنگے ہاتھوں پکڑا گیا

30 Mar 2024
30 Mar 2024

(لاہور نیوز) امتحانی مراکز میں بوٹی مافیا سرگرم ہے، گورنمنٹ گریجویٹ کالج سبزہ زار میں نقل کرواتے عملہ رنگے ہاتھوں پکڑا گیا۔

سندھ کے بعد اب پنجاب میں بھی بوٹی مافیا سرگرم ہے، عملے کی ملی بھگت سے سینٹرز میں نقل عروج پر ہے، وزیر تعلیم رانا سکندر حیات نے مختلف سینٹرز کے دورے کئے، نقل کرتے امیدواروں اور نقل کرواتے نگران عملے کو رنگے ہاتھوں پکڑ لیا۔

وزیر تعلیم کا کہنا ہے کہ پرائیویٹ ممتحن طلبہ سے پیسوں کی ڈیمانڈ کرتے پائے گئے، میٹرک کے بچوں کا امتحان انٹر کے طالب علم لے رہے تھے، چیکنگ پر امیدواروں کے پرچے بھی آپس میں تبدیل پائے گئے، پی آئی اے سوسائٹی کے نجی سکول سینٹر میں منسٹر نے موبائل چیٹس اور 16000 روپے ریکوری بھی کی۔

طلبہ کا کہنا تھا کہ عملہ خود آ کر پرچہ حل کروانے میں مدد اور پیسوں کی پیشکش کر رہا ہے، زبردستی دوسرے امیدوار کو نقل کروانے کو بھی کہا جاتا ہے، طلبہ سے 5 سے 10 ہزار روپے مانگے جاتے تھے۔

وزیر تعلیم نے پولیس بلوا کر ایک نگران کو گرفتار کروا دیا، بیان دینے والے امیدواروں کو حکومت کی طرف سے بہادری کے سرٹیفکیٹ دینے کا اعلان کیا۔

وزیر تعلیم رانا سکندر حیات کا کہنا تھا کہ افسوس ہے گزشتہ حکومت نے 5 سال میں تعلیم کا کیا نظام متعارف کروایا؟ گرفتار شدگان کے خلاف صرف ایف آئی آر نہیں کروائیں گے بلکہ کیس کا بھی پیچھا کریں گے۔

Install our App

آپ کی اس خبر کے متعلق رائے