19 Nov 2026
(لاہور نیوز) بلوچستان کے سابق صوبائی وزیر عبدالرحمان کھیتران کو لاہور ائیر پورٹ پر روک لیا گیا۔
بلوچستان سابق صوبائی وزیر کو لاہور ائیر پورٹ پر آف لوڈ کر دیا گیا، سردرار عبد الرحمن کھیتران کو ایف آئی اے نے ایمیگریشن کاؤنٹر پر روکا تھا، سابق صوبائی وزیر کا نام پی این ایل آئی لسٹ میں تھا، سابق صوبائی وزیر کے خلاف کوئٹہ میں درج مقدمہ کی وجہ سے نام پی این ایل آئی لسٹ میں شامل تھا۔
سابق صوبائی وزیر لاہور سے نجی ائیر لائن کے ذریعے شارجہ جانا چاہ رہے تھے، عبد الرحمن کھیتران کو ایف آئی اے کی جانب سے روکے جانے کے بعد گھر بھیج دیا گیا، پی این ایل آئی لسٹ سے نام نکلوائے بغیر سابق صوبائی وزیر بیرون ملک سفر نہیں کر سکتے۔
