(ویب ڈیسک) حکومت نے چھوٹےدکانداروں کےلیے فکس ٹیکس سکیم متعارف کرا دی۔
سالانہ 20 کروڑ روپے کا کاروبار کرنے والا دکاندار ایک فیصد فکس ٹیکس ادا کرے گا جس پر ایف بی آر پلیٹ بھی ملے گی جس پر لکھا ہو گا یہ دکاندار فرض شناس ٹیکس پیئر ہے۔
وزیرخزانہ اورنگزیب کے مطابق معاشی ترقی جاری رکھنے کے لیے قومی آمدنی کو مضبوط بنانا لازمی ہے، ٹیکس نظام میں بہتری کےلیے اےآئی ٹیکنالوجی کا بل اگلے ہفتے ایوان میں پیش ہو گا۔
اظہرکیانی نے بتایا کیوآر کوڈ اسکین کرنے کے بعد اگر ریکارڈ درست ثابت ہوتا ہے تو ایف بی آر افسر کو دکان کے اندر داخل ہونے کی اجازت نہیں ہو گی۔
حکومت کی فکس ٹیکس سکیم کو لاہور کی تاجر برادری نے خوش آئند قرار دیا ہے۔ صدر انجمن تاجران مجاہد مقصود کا کہنا ہے کہ فکس ٹیکس سکیم تاجربرادری کا دیرینہ مطالبہ تھا ہم چاہتے تھے چھوٹے تاجروں کیلئے آسان ٹیکس سکیم لائی جائے، فکس ٹیکس سکیم سے تاجروں کو آسانی ہوگی اور تاجر خوشحال بھی ہو گا۔
