
(لاہور نیوز) خصوصی انسداد پولیو مہم کے تحت پہلے روز 4 لاکھ 43 ہزار 593 بچوں کو پولیو سے بچاؤ کے قطرے پلائے گئے۔
ملک بھر میں 7 روزہ انسدادِ پولیو مہم کا آغاز ہو چکا ہے، ساڑھے چار کروڑ سے زائد بچوں کو پولیو سے بچاؤ کے قطرے پلائے جائیں گے، انسدادِ پولیو مہم 9 فروری تک جاری رہے گی۔
پنجاب بھر میں 2 کروڑ 33 لاکھ سے زائد بچوں کو پولیو کے قطرے پلانے کا ہدف مقرر کیا گیا ہے، کراچی سمیت سندھ بھر میں ایک کروڑ 6 لاکھ سے زائد بچوں کو پولیو ویکسین دی جائے گی، بلوچستان کے مختلف اضلاع میں 26 لاکھ 60 ہزار بچوں کو قطرے پلائے جائیں گے۔
اس کے علاوہ خیبرپختونخوا میں 72 لاکھ 99 ہزار بچوں کو پولیو ویکسین پلائی جائے گی، اسلام آباد، آزاد کشمیر اور گلگت بلتستان میں 8 لاکھ سے زائد بچے پولیو ویکسین سے مستفید ہوں گے، انسدادِ پولیو مہم کیلئے تربیت یافتہ ورکرز کی ٹیمیں تشکیل دی گئی ہیں جو گھر گھر جا کر بچوں کو پولیو سے بچاؤ کے قطرے پلائیں گی۔