پنجاب گورنمنٹ
وزیر اعظم کی سپیکر ایاز صادق سے ملاقات، ملکی و سیاسی صورتحال پر تبادلہ خیال
02 Feb 2025

02 Feb 2025
(لاہور نیوز) وزیر اعظم شہباز شریف سپیکر قومی اسمبلی سردار ایاز صادق کی رہائشگاہ پہنچ گئے اور ان سے ملاقات کی۔
وزیر اعظم شہباز شریف کی سپیکر قومی اسمبلی سردار ایاز صادق سے ملاقات ہوئی، ڈپٹی سپیکر قومی اسمبلی غلام مصطفی شاہ موجود تھے، ارکان قومی اسمبلی خورشید شاہ اور شازیہ مری و دیگر اراکین قومی اسمبلی بھی ملاقات میں موجود تھے، وزیر اعظم نے ڈپٹی سپیکر کو بیٹے کی شادی پر مبارکباد بھی دی۔
ملاقات میں ملکی مجموعی و سیاسی صورتحال پر تبادلہ خیال ہوا، وزیر اعظم نے کہا عالمی اقتصادی اداروں کا پاکستان پر بڑھتا اعتماد خوش آئند ہے، عوامی فلاح و بہبود کیلئے وفاق اور صوبے مل کر کام کر رہے ہیں۔