(ویب ڈیسک) نیوزی لینڈ کے ٹاپ کرکٹرز اس بار بھی آئی پی ایل میں ڈالرز کمانے میں مصروف ہیں جبکہ سٹارز سے عاری کیوی ٹیم پاکستان آئے گی۔

نیوزی لینڈ گزشتہ برس کی طرح اس بار بھی پاکستان کے دورےپر اپنی دوسرے درجے کی ٹیم بھیجے گا، اس بار بھی وجہ آئی پی ایل ہی ہے۔

کیویز کو آئندہ ماہ 5 ٹی 20 میچز کی سیریز کیلئے پاکستان آنا ہے تاہم سپر سٹارز کین ولیمسن، ڈیرل مچل، گلین فلپس، لوکی فرگسن، مچل سینٹنر، میٹ ہینری، راچن رویندرا، ڈیون کونووے اور ٹرینٹ بولٹ آئی پی ایل میں مصروف ہیں۔

کم تجربہ کار ٹیم پاکستان بھیجے جانے کا امکان ہے اس میں ان کھلاڑیوں کو شامل کیا جائے گا جنہوں نے ڈومیسٹک ٹی 20 ایونٹ سپر سمیش میں اچھی کارکردگی کا مظاہرہ کیا تھا۔

گزشتہ برس بھی ایسی ہی صورتحال تھی جب ٹام لیتھم نے ٹی 20 اور ون ڈے سیریز کیلئے پاکستان میں دوسرے درجے کی ٹیم کی قیادت سنبھالی لیکن اس بار کپتانی ٹم ساؤتھی کو ملنے کا امکان ہے۔

ڈومیسٹک ٹی 20 ایونٹ میں ہینری نکلز ٹاپ سکورر رہے ہیں ان کا ٹیم میں جگہ کیلئے لیتھم، ٹم روبنسن اور چیڈ بوز کے ساتھ مقابلہ ہو گا۔

روبنسن اور ول ینگ وہ 2 پلیئرز ہیں جنہوں نے سپر سمیش میں سنچریاں سکور کی ہیں، چیڈ بوز گزشتہ دورہ پاکستان میں اچھا پرفارم کرچکے ہیں اسی طرح ریگولر ٹی 20 سکواڈ ممبرز فن ایلن، ٹم سیفرٹ، جمی نیشم اور ایش سوڈھی بھی سلیکشن کیلئے دستیاب ہوں گے۔

دورہ پاکستان کیلئے نیوزی لینڈ کے ممکنہ کھلاڑیوں میں فن ایلن، ول ینگ، ٹم سیفرٹ، مارک چیپمین، جمی نیشم، جوش کلارکسن، مچل بریسویل، ٹم ساؤتھی، ایڈم ملن، بین سیئر، ایش سوڈھی، بین لسٹر، جیکب ڈفی، ٹم روبنسن، ہینری نکلز، چیڈ بوز اور ٹام لیتھم شامل ہیں۔

Subscribe Lahore News on YouTube

Install our App