(لاہور نیوز) انڈر 19 ایشیا کپ کے پہلے سیمی فائنل میں پاکستان نے بنگلادیش کو 10 وکٹوں سے شکست دے دی۔
عمان کے الامیرات کرکٹ سٹیڈیم میں کھیلے جا رہے پہلے میچ میں بنگلادیش نے گروپ اے کی ناقابل شکست اور دفاعی چیمپئن پاکستان کے خلاف ٹاس جیت کر پہلے بیٹنگ کا فیصلہ کیا۔
پاکستانی باؤلرز نے ابتدا سے ہی بنگلادیشی بیٹرز کو دباؤ میں رکھا اور رضوان اللہ نے صرف 30 رنز کے عوض 5 وکٹیں حاصل کر کے مخالف ٹیم کو بڑا سکور بنانے سے روک دیا۔
بنگلادیش کی جانب سے اوپنر عبداللہ الموہی 50 رنز بنا کر نمایاں رہے جبکہ رقیب الحسین 26 اور الرفی 20 رنز بنا کر آؤٹ ہوئے۔
رضوان اللہ کے علاوہ محمد صیام نے 2 جبکہ علی رضا، حسنین عباس ڈار اور احمد حسین نے ایک ایک وکٹ حاصل کی۔
پاکستان نے 139 رنز کا ہدف 21.5 اوورز میں ایک وکٹ کے نقصان پر حاصل کر لیا، عثمان خان 64 اور عبدالقادر 8 رنز بنا کر ناٹ آؤٹ رہے جبکہ حیام خان 69 رنز بنا کر آؤٹ ہوئے۔
دوسرے سیمی فائنل میں افغانستان اور بھارت کی ٹیمیں مدمقابل ہیں، ایونٹ کا فائنل 14 نومبر بروز ہفتہ کو کھیلا جائے گا۔
