اپ ڈیٹس
  • 260.00 انڈے فی درجن
  • 417.00 زندہ مرغی
  • 599.00 گوشت مرغی
  • پولٹری
  • امریکن ڈالر قیمت خرید: 278.20 قیمت فروخت : 278.70
  • یورو قیمت خرید: 303.48 قیمت فروخت : 304.02
  • برطانوی پاؤنڈ قیمت خرید: 359.56 قیمت فروخت : 360.21
  • آسٹریلیا ڈالر قیمت خرید: 184.54 قیمت فروخت : 184.87
  • جاپانی ین قیمت خرید: 1.78 قیمت فروخت : 1.78
  • سعودی ریال قیمت خرید: 74.10 قیمت فروخت : 74.23
  • اماراتی درہم قیمت خرید: 76.20 قیمت فروخت : 76.34
  • کویتی دینار قیمت خرید: 909.61 قیمت فروخت : 911.25
  • کرنسی مارکیٹ
  • تولہ: 248700 دس گرام : 213200
  • 24 سونا قیراط
  • تولہ: 227973 دس گرام : 195432
  • 22 سونا قیراط
  • تولہ: 3021 دس گرام : 2593
  • چاندی تیزابی
  • صرافہ بازار
صحت

ای سگریٹ کا استعمال کتنا خطرناک ہوسکتاہے؟ماہرین نے خبردار کردیا

03 Apr 2024
03 Apr 2024

(ویب ڈیسک)ماہرین کا کہنا ہےکہ ای سگریٹ کا استعمال ہارٹ فیلیئر کا خطرہ بڑھاتا ہے۔

تفصیلات کےمطابق ماہرین کی تحقیق میں بتایا گیا کہ ای سگریٹ کے استعمال سے ہارٹ فیلیئر کا خطرہ بڑھتا ہے،خیال رہے کہ ہارٹ فیلیئر ایسی طویل المیعاد بیماری ہے جس کے دوران جسم کے لیے دل مناسب مقدار میں خون پہنچانے سے قاصر ہوجاتا ہے۔

یعنی ایسا نہیں ہوتا کہ دل کام کرنا بند کر دیتا ہے، بس وہ پہلے کی طرح ٹھیک کام نہیں کر پاتا،اس بیماری کا علاج نہیں بلکہ ادویات کی مدد سے اسے بڑھنے سے روکا جاتا ہے۔اس تحقیق کے دوران ای سگریٹ کے استعمال اور ہارٹ فیلیئر کے درمیان تعلق کی جانچ پڑتال کے لیے ایک لاکھ 75 ہزار سے زائد افراد کے ڈیٹا کی جانچ پڑتال کی گئی تھی۔

ان افراد کی صحت کا جائزہ 45 ماہ تک لیا گیا جس کے دوران 3242 میں ہارٹ فیلیئر کی تشخیص ہوئی،نتائج سے معلوم ہوا کہ ای سگریٹ پینے والے افراد میں ہارٹ فیلیئر سے متاثر ہونے کا خطرہ اس لت سے دور رہنے والوں کے مقابلے میں 19 فیصد زیادہ ہوتا ہے۔

امراض قلب کا خطرہ بڑھانے والے عناصر، تمباکو اور تمباکو نوشی وغیرہ کو مدنظر رکھنے پر بھی یہی نتیجہ سامنے آیا۔محققین نے بتایا کہ زیادہ سے زیادہ تحقیقی رپورٹس میں ای سگریٹس کے استعمال کو صحت کے لیے نقصان دہ قرار دیا جا رہا ہے۔
محققین نے تسلیم کیا کہ یہ تحقیق مشاہداتی تھی اور اس حوالے سے مزید تحقیق کی ضرورت ہے تاکہ معلوم ہوسکے کہ ای سگریٹ سے دل کو نقصان کیوں پہنچتا ہے؟

اس سے قبل مختلف تحقیقی رپورٹس میں بتایا گیا تھا کہ ای سگریٹس کے استعمال سے پھیپھڑوں کے امراض، دمہ اور امراض قلب کا خطرہ بڑھتا ہے، خاص طور پر ان افراد میں جو پہلے ہی کسی طبی عارضے کا سامنا کر رہے ہوں۔

Install our App

آپ کی اس خبر کے متعلق رائے