10 Jun 2026
(لاہور نیوز) ٹاؤن پلاننگ ونگ نے نقشے کے بغیر اور غیر قانونی تعمیرات کیخلاف کارروائیاں کرتے ہوئے مختلف علاقوں میں متعدد عمارتوں کو مسمار اور سیل کر دیا۔
تفصیلات کے مطابق ایم او پلاننگ ڈاکٹر رائے امتیاز کی نگرانی میں واہگہ اور نشتر زونز میں آپریشن کیا گیا، اس دوران صوفی آباد، جلو، کینال پارک اور جی ٹی روڈ کے اطراف قائم غیر قانونی تعمیرات کو نشانہ بنایا گیا۔
ایل ڈی اے حکام بتایا کہ کارروائی کے دوران 13 غیر قانونی عمارتیں مسمار جبکہ 15 عمارتوں کو سربمہر کیا گیا۔
ایم او پلاننگ ڈاکٹر رائے امتیاز نے کہا کہ منظور شدہ نقشوں کے خلاف تعمیرات اور غیر قانونی عمارتوں کے خلاف کارروائیاں بلا امتیاز جاری رکھی جائیں گی تاکہ تعمیراتی قوانین پر عملدرآمد یقینی بنایا جا سکے۔
