07 May 2026
(لاہور نیوز) ضلع لاہور میں ای ایس ٹی سے ایس ایس ٹی اساتذہ کی پروموشن کے آرڈرز تاخیر کا شکار ہو گئے۔
ذرائع کے مطابق 25 اپریل کو ڈی پی سی منعقد کی گئی تھی، تاہم اجلاس کے باوجود تاحال پروموشن آرڈرز جاری نہیں کئے جا سکے۔
اطلاعات کے مطابق پروموشن اور ایڈجسٹمنٹ پر عائد پابندی آئندہ ہفتے ختم ہونے کا امکان ہے، جس کے بعد آرڈرز جاری کئے جانے کی توقع ہے۔
اساتذہ نے مطالبہ کیا ہے کہ پابندی ختم ہونے سے قبل پروموشن آرڈرز فوری طور پر جاری کئے جائیں۔
ڈی ای او سیکنڈری محمد عارف کے مطابق اساتذہ کے دستاویزات کی تصدیق کا عمل جاری ہے اور تصدیق مکمل ہونے کے بعد پروموشن آرڈرز جاری کر دیئے جائیں گے۔
