26 Feb 2026
(لاہور نیوز) پنجاب کی جیلوں میں جیل وارڈرز کے ڈیوٹی شیڈول میں تبدیلی کر دی گئی۔
اب وارڈرز دو مختلف شفٹوں میں 4-4 گھنٹے کی ڈیوٹی کریں گے، جبکہ پہلے یہ 8 گھنٹے کی مسلسل ڈیوٹی انجام دیتے تھے۔
ڈی آئی جی ہیڈ کوارٹر جیل خانہ جات کی جانب سے مراسلہ جاری کیا گیا ہے اور اس کی کاپی تمام سپرنٹنڈنٹس جیل کو بھجوا دی گئی ہے۔
جیل حکام کے مطابق یہ اقدام بھکر اور دیگر مقامات پر دہشت گردی کے واقعات کے بعد اٹھایا گیا، تاکہ وارڈرز تازہ دم رہیں اور جیل کی سکیورٹی میں اضافہ ہو۔
مزید بتایا گیا کہ جیل کے زیادہ تر سٹاف ڈیوٹی کے بعد بھی جیل کے اندر موجود رہیں گے، جبکہ پنجاب کی تمام جیلوں میں سکیورٹی ہائی الرٹ ہے۔
