
(لاہور نیوز) وزیر اعظم شہباز شریف نے مختلف ممالک میں پاکستان کے نئے سفرا کی تعیناتی کی منظوری دیدی۔
پی ایم سیکرٹریٹ کے ذرائع کے مطابق عاصمہ ربانی فلپائن، رحیم حیات قریشی برسلز میں پاکستان کے نئے سفیر اور سفیر برائے یورپی یونین ہوں گے، عبدالحمید بھٹہ جاپان اور نجیب درانی گھانا میں پاکستان کے سفیر تعینات کئے گئے ہیں۔
اسی طرح زاہد حفیط چودھری انڈونیشیا، معظم شاہ ساؤتھ کوریا، ملک فاروق ساؤتھ افریقہ، شہباز کھوکھر بیروت، عادل گیلانی مراکش، اقصیٰ نواز اور طارق کریم بھی افریقی ممالک میں پاکستان کے سفرا تعینات کئے گئے ہیں۔
ذرائع نے بتایا کہ سید حیدر شاہ نیدر لینڈ، عامر شوکت مصر اور مرغوب سلیم بٹ سوئٹزلینڈ میں نئے پاکستانی سفیر ہوں گے جبکہ زمان مہدی شکاگو، واجد ہاشمی ملبورن جبکہ تنویر بھٹی شینی شہر چینگدو میں پاکستان کے نئے قونصل جنرل ہوں گے
دوسری جانب امتیاز گوندل مانچسٹر اور شہریار اکبر چیک ری پبلک میں پاکستان کے نئے سفیر ہوں گے۔