
12 Dec 2024
(لاہور نیوز) گورنر پنجاب سردار سلیم حیدر نے کہا ہے کہ تمام اداروں کو اپنے اپنے احتساب کی ضرورت ہے۔
نیشنل سکول آف پبلک پالیسی میں تقریب سے خطاب کرتے ہوئے انہوں نے کہا کہ نیشنل چارٹر کی ضرورت ہے جس کے تحت سیاستداں، ججز اور بیوروکریٹس ملک کی ترقی میں اپنا کردار ادا کریں، ملک اندرونی اور بیرونی سازشوں میں مبتلا ہے، ہم سب کو ان کا مقابلہ کرنا ہے۔
گورنر پنجاب نے مزید کہا کہ آئی ایم ایف اور طاقت ور ملکوں کے پاس مدد کے لیے جانا شرمندگی کا باعث ہے، بیوروکریسی عوام کی خدمت میں کوئی کسر نہ چھوڑے، ہمارے ملک کی بیورو کریسی بہت مضبوط ہے۔