
(لاہور نیوز) پی ٹی آئی کے گرفتار شرپسندوں کے ہوش ربا انکشافات سامنے آ گئے۔
پی ٹی آئی کی جانب سے کئے جانے والے احتجاج میں شریک شرپسند بلال کا کہنا تھا کہ میں دسویں جماعت کا طالب علم ہوں اور میرے والد مزدور ہیں، مجھے پی ٹی آئی والوں نے پیسوں کے بہانے دھرنے پر چلنے کو کہا، مجھے کہا گیا کہ دھرنے میں جا کر توڑ پھوڑ کرنی ہے اور آگ لگانی ہے، پی ٹی آئی والوں نے ہمیں وہاں پہنچا کر اکیلا چھوڑ دیا۔
شرپسند عمر کا کہنا تھا میں جب دھرنے والی جگہ پہنچا تو وہاں گاڑیوں میں بڑے بڑے پتھر اور پٹرول بم موجود تھے، پھر پی ٹی آئی والوں کی جانب سے سرکاری املاک کو تباہ کرنے کا کہا گیا۔
شرپسند نواب علی نے بتایا ہمیں دھوکے سے اور پیسوں کا لالچ دے کر پی ٹی آئی والوں نے آگ لگانے کا کہا جبکہ شرپسند فرمان الله کا کہنا تھا مجھے پی ٹی آئی کے لیڈر نے ڈنڈے اور پتھر مارنے کا کہا، جب پولیس آئی تو تمام قائدین بھاگ گئے اور ہمیں اکیلا چھوڑ دیا۔