04 May 2024
(لاہور نیوز) مالی سال 2019-20 میں ہونے والے واسا کے ترقیاتی کاموں پر اعتراضات عائد ہو گئے۔
ماضی میں ہونے والے ترقیاتی منصوبے انکوائریوں کی زد میں آنے لگے، مالی سال 2019-20 میں ہونے والے واسا کے ترقیاتی کاموں پر اعتراضات اٹھا دیئے گئے، واسا کے مختلف ٹاؤنز کی طرف سے ٹھیکیداروں کو زیادہ ادائیگیاں کی گئیں، ڈائریکٹر کنسٹرکشن ون ، ٹو، ڈائریکٹر پی اینڈ ایس، ڈائریکٹر ایڈمن بھی انکوائری کی زد میں آ گئے، ڈائریکٹر او اینڈ ایم گنج بخش، راوی ٹاؤن ، اقبال ٹاؤن اور نشتر ٹاؤن پر بھی انکوائری ہو گی۔
دستاویز کے مطابق الزامات عائد کئے گئے کہ علامہ اقبال روڈ اور نشتر ٹاؤن کے ترقیاتی کاموں میں مٹیریل کا استعمال کوالٹی کے مطابق نہ تھا، مین ہول تعمیر کرنے میں اینٹوں کا استعمال کوالٹی کے مطابق نہیں کیا گیا، سیوریج بچھانے کیلئے ریت کا استعمال محکمہ ہاؤسنگ کے قوانین کے مطابق نہ تھا، منصوبے کی تکمیل کے بعد سکریپ کی نیلامی نہ کرکے سرکاری خزانے کو پانچ کروڑ کا نقصان پہنچایا گیا۔
ترقیاتی کاموں میں ہونے والی بے ضابطگیوں پر تحقیقات شروع کر دی گئیں، واسا کے 10 ڈائریکٹوریٹس کے آڈٹ پیراز پبلک اکاؤنٹس کمیٹی میں زیر بحث آئیں گے۔
آپ کی اس خبر کے متعلق رائے
