11 Aug 2023
(ویب ڈیسک)قومی کرکٹ ٹیم کے وکٹ کیپر اور بلے باز کامران اکمل نے ورلڈ کپ میں پاکستان کی جیت کی امید جگا دی ۔
تفصیلات کےمطابق اپنے ایک انٹرویو میں کامران اکمل کا کہنا تھا کہ ورلڈکپ سے قبل ایشیا کپ میں فتح سے پاکستان ٹیم کے اعتماد میں اضافہ ہو سکتا ہے، کنڈیشنز اور پچز کو دیکھتے ہوئے اچھا کمبی نیشن بنانے میں بھی مدد ملے گی،ہمیں فاسٹ و سپن باولنگ اور بیٹنگ میں مستحکم لائن اپ میسر ہے۔
انہوں نے کہا کہ متوازن ٹیم بن چکی،ورلڈکپ بھارت میں ہوگا، کنڈیشنزکو دیکھتے ہوئے پاکستان کیلیے ٹائٹل جیتنے کا سنہری موقع ہے، ہمارے بیشتر کرکٹرز پہلی بار پڑوسی ملک میں کھیل رہے ہوں گے،مکی آرتھر، بابر اعظم اور نئے چیف سلیکٹر کا ایک پیج پر ہوکر فیصلے کرنا اہم ہے۔
کامران نے مزید کہا کہ گرین شرٹس کو ڈر کر نہیں دلیری سے کھیلنا ہوگا،ایشیا کپ میں ہی حریفوں پر حاوی ہونا پڑے گا، 270کا سکور ذہن میں رکھ کر میچز نہیں جیت سکتے،وہاں ہائی سکورننگ میچ ہوں گے، ہمیں 325سے 350 تک کا مجموعہ حاصل کرنا ہوگا۔ میرا تجربہ کہہ رہا ہے کہ پاکستان اور بھارت کا فائنل ہونا چاہیے۔
آپ کی اس خبر کے متعلق رائے
