(لاہور نیوز) پولٹری مصنوعات کی قیمتوں میں کمی ریکارڈ کی گئی ہے، جبکہ برائلر گوشت اور انڈوں کے نرخ بدستور برقرار ہیں۔
سرکاری نرخ نامے کے مطابق پولٹری مصنوعات کے مجموعی داموں میں 14 روپے تک کمی ہوئی ہے، جس سے صارفین کو جزوی ریلیف ملنے کی توقع ہے، زندہ برائلر کی قیمت میں 10 روپے فی کلو کمی کی گئی ہے، فارم گیٹ پر زندہ برائلر کا نرخ 290 روپے فی کلو مقرر کیا گیا ہے، جبکہ ہول سیل مارکیٹ میں زندہ برائلر 304 روپے فی کلو فروخت ہو گا، پرچون بازار میں زندہ برائلر کی قیمت 318 روپے فی کلو مقرر کی گئی ہے۔
دوسری جانب برائلر گوشت کی قیمت 461 روپے فی کلو پر برقرار رکھی گئی ہے، تاہم شہریوں کو صافی گوشت 550 روپے فی کلو تک فروخت کیا جا رہا ہے، جس پر صارفین نے تشویش کا اظہار کیا ہے۔
ادھر انڈوں کی قیمت میں کوئی تبدیلی نہیں کی گئی، انڈے 239 روپے فی درجن فروخت ہوں گے، جبکہ ہول سیل مارکیٹ میں انڈوں کی ایک پیٹی کی قیمت 7 ہزار 50 روپے مقرر کی گئی ہے۔
