26 Feb 2026
(لاہور نیوز) ایف آئی اے لاہور زون کا انسانی سمگلرز نیٹ ورک کے خلاف کریک ڈاؤن،مائیگرنٹ سمگلنگ اور ویزا فراڈ میں ملوث 2 انسانی سمگلر گرفتار کر لیے۔
ترجمان ایف آئی اے کا کہنا ہے کہ گرفتار ملزمان میں غضنفر علی اور محمد سمیع اللہ شامل ہیں، ملزمان کو لاہور اور میانوالی کے مختلف علاقوں سے گرفتار کیا گیا۔
ملزمان نے شہریوں کو انگلینڈ، آئر لینڈ اورمیانمار کے ورک ویزوں کا جھانسہ دے کر 36 لاکھ روپے سے زائد کی رقم ہتھیائی، گرفتار ملزمان شہریوں کو بیرون ملک بھجوانے میں ناکام رہے اور روپوش ہو گئے تھے، ملزمان کو گرفتار کر کے تفتیش کا آغاز کر دیا گیا ہے۔
