04 Jun 2025
(لاہور نیوز) سی سی ڈی نے 5 کروڑ روپے تاوان کیلئے قصور سے اغوا ہونے والے لاہور کے نوجوان کو بازیاب کرا لیا۔
تفصیلات کے مطابق کرائم کنٹرول ڈیپارٹمنٹ (سی سی ڈی) پتوکی نے کارروائی کرتے ہوئے 5 کروڑ تاوان کیلئے اغوا ہونے والے نوجوان کو قصور سے بازیاب کروا لیا۔
پولیس حکام کے مطابق اغواکاروں نے لڑکے کی رہائی کے بدلے پانچ کروڑ روپے تاوان طلب کیا تھا، تاہم لڑکے کی بازیابی کیلئے سی سی ڈی نے کارروائی کرتے ہوئے مغوی کو بازیاب کرا لیا۔
مغوی کے اہلِ خانہ نے کارروائی پر وزیراعلیٰ پنجاب اور سی سی ڈی ٹیم کا شکریہ ادا کیا، مغوی نوجوان کو بائیس مئی کو تھانہ مصطفی آباد کی حدود سے اغوا کیا گیا تھا۔
