
04 Feb 2025
(لاہور نیوز) مہنگائی نے عوام کا جینا محال کر دیا، مہنگا برائلر سستا نہ ہو سکا۔
مرغی کے گوشت کی قیمت 595 روپے کلو کی سطح پر برقرار ہے، مارکیٹ میں صافی گوشت 660 روپے کلو تک فروخت کیا جا رہا ہے، فارمی انڈوں کی فی درجن قیمت میں 5 روپے اضافہ دیکھنے میں آیا۔
مارکیٹ میں فی درجن انڈوں کی قیمت 229 روپے مقرر ہو گئی، ہول سیل مارکیٹ میں انڈوں کی پیٹی 6 ہزار 750 روپے میں بیچی جا رہی ہے۔
ادھر سرکاری ریٹ لسٹ میں 4 سبزیوں اور 5 پھلوں کی قیمتیں مزید بڑھا دی گئیں، مارکیٹ میں پیاز 120 ، ٹماٹر 100 ، لہسن 720 اور ادرک 500 روپے کلو تک بیچا جا رہا ہے۔
پھلوں میں کیلا درجہ اول 220 ، درجہ دوم 130 ، کینو درجہ اول 600 اور فروٹر درجہ اول 480 روپے درجن بیچا جا رہا ہے، سیب 400 ، امرود 240 ، کھجور ایرانی 550 روپے کلو فروخت ہو رہی ہے۔