اپ ڈیٹس
  • 303.00 انڈے فی درجن
  • 411.00 زندہ مرغی
  • 595.00 گوشت مرغی
  • پولٹری
  • چینی یوآن قیمت خرید: 39.45 قیمت فروخت : 39.52
  • امریکن ڈالر قیمت خرید: 278.35 قیمت فروخت : 278.85
  • یورو قیمت خرید: 311.41 قیمت فروخت : 311.97
  • برطانوی پاؤنڈ قیمت خرید: 367.19 قیمت فروخت : 367.85
  • آسٹریلیا ڈالر قیمت خرید: 188.84 قیمت فروخت : 189.18
  • کینیڈا ڈالر قیمت خرید: 206.50 قیمت فروخت : 206.87
  • جاپانی ین قیمت خرید: 1.92 قیمت فروخت : 1.93
  • سعودی ریال قیمت خرید: 74.19 قیمت فروخت : 74.32
  • اماراتی درہم قیمت خرید: 76.31 قیمت فروخت : 76.45
  • کویتی دینار قیمت خرید: 911.31 قیمت فروخت : 912.95
  • کرنسی مارکیٹ
  • تولہ: 262700 دس گرام : 225200
  • 24 سونا قیراط
  • تولہ: 240807 دس گرام : 206432
  • 22 سونا قیراط
  • تولہ: 3116 دس گرام : 2674
  • چاندی تیزابی
  • صرافہ بازار
جرم وانصاف

کمسن بچے کو بیرون ِملک لیجانے کا کیس، وزیرداخلہ و خارجہ سے رپورٹ طلب

08 Apr 2024
08 Apr 2024

(لاہور نیوز) لاہور ہائی کورٹ نے باپ کے کمسن بچے کی دستاویزات تبدیل کر کے بیرونِ ملک لے کر جانے کے کیس پر وزیر خارجہ اور وزیر داخلہ سے رپورٹ طلب کرلی۔

چیف جسٹس لاہور ہائیکورٹ ملک شہزاد احمد خان اور میاں گل حسن اورنگزیب پر مشتمل دو رکنی بنچ نے رابعہ بی بی کی درخواست پر سماعت کی، سیکرٹری داخلہ محمد خرم آغا لاہور ہائی کورٹ میں پیش ہوئے۔

عدالت نے ایک ماہ میں کمسن بچے کی بیرونِ ملک سے واپسی سے متعلق پیش رفت رپورٹ مانگ لی۔

دورانِ سماعت سیکرٹری داخلہ محمد خرم آغا نے بتایا کہ میں نے پچھلے ہفتے چارج لیا ہے، اس کیس کو ٹیک اپ کر لیا ہے، تاخیر ہوئی ہے اس پر معذرت خواہ ہیں۔

چیف جسٹس لاہور ہائی کورٹ ملک شہزاد احمد خان نے کہا کہ ہم وزیرِ خارجہ کو بلواتے ہیں پھر وزیرِ اعظم کو بلوا ئیں گے، یہ خاتون 3 سال سے دھکے کھا رہی ہیں، آپ کے وزیر 3 سال سے ٹی وی پر بیٹھ کر اپنی کارکردگی گنواتے ہیں، اصل میں ان کی کارکردگی کچھ نہیں ہوتی۔

چیف جسٹس نے سیکرٹری داخلہ سے استفسار کیا کہ آپ اپنی مرضی کا وقت بتائیں، لمبا ٹائم نہیں ملنا، 1 ہفتہ یا 2 ہفتے جس پر  سیکرٹری داخلہ محمد خرم آغا نے کہا کہ یہ 2 ملکوں کا معاملہ ہے، بیلجیئم سے رسپانس کتنے دنوں میں آتا ہے میں کنفرم نہیں بتا سکتا، ہمیں 2 ماہ کی مہلت دے دیں۔

عدالت نے ریمارکس میں کہا کہ 2 ماہ کا وقت نہیں ملنا، آپ نے عدالت سے دھوکہ کیا ہے، کبھی کہتے تھے ملزم بیرونِ ملک سے گرفتار ہو گیا، آپ نے ایسی ٹیم بنائی ہوئی ہے جو بالکل فارغ ہے، آپ نے بدنام لوگ بھرتی کیے ہوئے ہیں۔

جسٹس میاں گل حسن اورنگزیب نے کہا کہ دونوں طرف سے سیاست ہو رہی ہے، عید کے بعد اس کیس کو سن کر فیصلہ کریں گے۔

بعدازاں  عدالتِ عالیہ نے وزیرِ داخلہ محسن نقوی اور وزیرِ خارجہ اسحاق ڈار سے دوبارہ تازہ رپورٹ طلب کرتے ہوئے 1 ماہ میں کمسن بچے کی بیرونِ ملک سے واپسی سے متعلق پیش رفت رپورٹ مانگ لی اور کیس کی مزید سماعت  8 مئی تک ملتوی کر دی۔

Install our App

آپ کی اس خبر کے متعلق رائے