اپ ڈیٹس
  • 251.00 انڈے فی درجن
  • 326.00 زندہ مرغی
  • 510.00 گوشت مرغی
  • پولٹری
  • امریکن ڈالر قیمت خرید: 278.50 قیمت فروخت : 279.00
  • یورو قیمت خرید: 302.67 قیمت فروخت : 303.21
  • برطانوی پاؤنڈ قیمت خرید: 358.79 قیمت فروخت : 359.43
  • سعودی ریال قیمت خرید: 74.11 قیمت فروخت : 74.24
  • کویتی دینار قیمت خرید: 910.24 قیمت فروخت : 911.87
  • کرنسی مارکیٹ
  • تولہ: 252400 دس گرام : 216400
  • 24 سونا قیراط
  • تولہ: 231365 دس گرام : 198365
  • 22 سونا قیراط
  • تولہ: 3282 دس گرام : 2817
  • چاندی تیزابی
  • صرافہ بازار
صحت

کتوں کے ساتھ وقت گزارنے سے صحت پر کیا اثرات مرتب ہوتے ہیں؟جانئے

17 Mar 2024
17 Mar 2024

(ویب ڈیسک)ماہرین نے کہا ہےکہ کتوں کے ساتھ وقت گزارنے سے ذہنی دباؤ اور اضطرابی کیفیت میں کمی واقع ہوسکتی ہے۔

تحقیق میں سائنس دانوں نے 30 صحت مند افراد کے دماغ کے اسکین کا جائزہ لیا، محققین نے اسکین میں دیکھا کہ کتوں کے ساتھ تھوڑا سا وقت گزارنا دماغ میں ایسی برقی سرگرمی پیدا کرتا ہے جس کا تعلق سکون، توجہ اور تخلیقی صلاحیت سے تھا۔

سائنس دانوں کا کہنا تھا کہ وہ افراد جنہوں نے تحقیق میں حصہ لیا انہوں نے کتوں کے ساتھ وقت گزارنے کے بعد تھکاوٹ اور دباؤ میں واضح کمی کے متعلق بتایا۔محققین کی ٹیم کا کہنا تھا کہ اگرچہ ان احساسات کے پیدا ہونے میں ممکنہ طور پر جانوروں سے لگاؤ کا کردار ہو سکتا ہے لیکن نتائج نے کتوں پر مبنی تھراپی کے اضطرابی کیفیت اور دباؤ میں کمی لانے میں مدد گار ثابت ہونے کے متعلق شواہد میں اضافہ کیا۔

تحقیق میں محققین نے ای ای جی ڈیوائس کا استعمال کرتے ہوئے 20 اور اس سے زیادہ برس عمر کے 15 مرد اور 15 خواتین کی دماغی سرگرمی کی پیمائش کی۔شرکاء نے تحقیق میں چار سال کی تربیت یافتہ کتیا کے ساتھ مل کر کھیلا، اس کو کھانا کھلایا، تصویر کھنچوائی اور چہل قدمی کی،ہر سرگرمی اندازاً تین منٹ جاری رہی۔

محققین نے بتایا کہ جب شرکاء کتے کے ساتھ کھیل رہے تھے یا چہل قدمی کر رہے تھے تب ای ای جی نے ان کے دماغ سے نکلنے والی ایلفا لہروں کی نشاندہی کی۔ان لہروں کا تعلق دماغ کے پُر سکون ہونے سے ہوتا ہے جبکہ کتے کو پیار کرتے وقت دماغ سے نکلنے والی بِیٹا لہروں کی نشاندہی کی گئی، جن کا تعلق توجہ میں اضافے سے ہوتا ہے۔

Install our App

آپ کی اس خبر کے متعلق رائے